أوقف معووج واتكلم عدل

منتدى للتحدث بحرية معانا بس قول كل اللى نفسك فيه فى كل المجالات
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
أفضل 10 أعضاء في هذا المنتدى
الجنرال
 
HACKER GIRL
 
BOISEN GIRL
 
ANGEL SKY
 
سندريلا
 
EL-JOKER
 
البرنس
 
غاوى مشاكل
 
butterfly
 
nour
 
المواضيع الأخيرة
» قصة حب تبكى(واقعيه)
الجمعة فبراير 05, 2010 12:16 pm من طرف BOISEN GIRL

» صور تورتات جامدة موت
الخميس فبراير 04, 2010 12:31 pm من طرف سندريلا

» اكواد البوم اليسا
الجمعة يناير 29, 2010 1:43 pm من طرف ANGEL SKY

» فلووووووووووووووووووووووووووووووووووووووووووووووووووووووووووووووووووس
الإثنين يناير 25, 2010 10:37 pm من طرف etch

» الى عنده اى مشكله فى الجهاز هتتحل بعد 4 دقايق بأذن الله لوحده
الإثنين يناير 18, 2010 4:27 am من طرف الجنرال

» بأمانه تعمل ايه لو جبت كارت شحن ولاقيته كدا؟
السبت يناير 16, 2010 3:24 pm من طرف BOISEN GIRL

» نهاية الى بيتفرج على التليفزيون من قريب
السبت يناير 16, 2010 3:15 pm من طرف BOISEN GIRL

» صوره جعلت كل من يراها يبكى
السبت يناير 16, 2010 3:08 pm من طرف BOISEN GIRL

» معظم البنات كدا مش كلهم............... انا قلت مش كلهم
السبت يناير 16, 2010 2:54 pm من طرف BOISEN GIRL

» الاغانى
السبت يناير 16, 2010 2:42 pm من طرف HACKER GIRL


شاطر | 
 

 أمثال شعبيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الجنرال
مشرف عام المنتدى & الجنرال
مشرف عام المنتدى & الجنرال
avatar

عدد المساهمات : 135
نقاط : 388
تاريخ التسجيل : 20/12/2009
العمر : 26
الموقع : مشرف عام
تعاليق : المنتدى إنشاء الله هيبقى من اشهر المنتديات

مُساهمةموضوع: أمثال شعبيه   الأحد ديسمبر 20, 2009 3:13 pm

الأمثال الشعبية هي جزء التراث شعبي .. ومراجع يومية لعلاج المشاكل أو التنفيس عنها على الأقل .. والأمثال الشعبية حكم ومأثورات فلسفية خرجت ببساطة من أفواه البسطاء .. وتناقلناها عبر الأجيال .. وتقال في مواقف معينة .. وتتسم في معظمها بالطابع الساخر .. وسر خلودها يرجع لأنها ليست بدعاً أو ّتقاليع وإنما صادرة من العقل والقلب للإنسان البسيط .. ولا يوجد شعب من شعوب العالم إلا وله أمثاله والحكم . وأغلبيتها مكتوبة باللغة المصرية الدارجة.

علم في المتبلم يصبح ناسي

الفصيح من بيضته يصيح

بيت المهمل يخرب قبل بيت الظالم

بيت النتاش يخرب قبل بيت الظالم

أدوله الفروة طمع في الخروف

لو حبيبك عسل ما تلحسهوش كله

بصلة المحب خروف

حبيبك يبلع لك الزلط وعدوك يتمنى لك الغلط
????: منتدى الساحة الكشفية

اقف معوج وأتكلم عدل

يموت الزمار وصباعه بيلعب

هيسخطوك يا قرد

أعمى ويصلح ساعات

القرعة تتعايق بشعر بنت أختها

أتلم المتعوس على خايب الرجا

المتعوس متعوس ولو حطو في رأسه فانوس

اللي يجى من الصعايده فايده

الأشكال على طيورها تقع

لبس البوصة تبقى عروسه

أصلك فعلك

أدوله الفروة طمع في الخروف

الحية تخلف تعبان

الدوي ع الودان اشد من السحر
ودن على ودن غلبت السحر

يا نحلة لا تقرصيني ولا عايز عسل منك

قالوا للكداب احلف قال جالك الفرج

فى الوش مرايه وفى القفا سلاية

سكتنا له دخل بحماره

فسحنا له دخل بحماره

حط طوبة على طوبة خلى العركة منصوبة

يا حافر البير وموسع مراقيه ما داهية لا تقع انت فيه

الغول ما يكلشى ولاده

الغراب ما ينقرش عين أخوه

من أمنك لم تخونه ولو كنت خاين

اللي ما لوش كبير يشترى له كبير

التاجر لما يفلس يدور في دفاتره القديمه

الشبشب والقبقاب عملو الاتنين صحاب

لولا كمى ما اكل فمى

اللي يأكل رغيف اليهودي يحارب بسيفه

يا ما دقت ع الرس طبول

الكسل عسل

عسل وأتغسل

إن دبلت الوردة رحيتها فيها

مفيش حلاوة من غير نار

قدم السبت تلاقى الحد قدامك

اللي أوله شرط آخره نور

الميه يكدب الغطاس

الميه متطلعش في العالى

أن فاتك الميرى اتمرغ في ترابه

يخاصمن في شارع ويصالحنى في حارة

أكل علقة ما كلهاش حرامى في حارة

أكل علقة ما كلهاش حمار في مطلع

جبنا سيرة القط جه ينط

التعلب ما ينساش قطع ديله

يطلع من نقره يقع في دحديره


علمناهم الشحاته سبقونا ع الأبواب

يا ما في الجراب يا حاوى

إيه اللي رماك ع المر قال اللي امر منه

كله عند العرب صابون

ما ينوب المخلص الا تقطيع هدومه

الباب اللي يجى لك منه الريح سده واستريح

أطبخي يا جاريه كلف يا سيدي

لا طال بلح الشام ولا عنب اليمن

ايه اللي لم الشامي ع المغربي

مش كل الطير اللي يتاكل لحمه

خد من التل يختل

يا ما في السجن مظاليم

اضرب المربوط يخاف السايب

طباخ السم بيدوقه

عصفور في الأيد ولا عشرة ع الشجرة
اللي يعمل بيه القرد يعلق بيه الجحش

تجرى جرى الوحوش غير رزقك لم تحوش

دارى على شمعتك تقيد

سمك لبن تمر هندى

الأيد وحدها ما تسقفشى

الكف اللي ما يصيبشى يدوش

مفيش حاجة ببلاش الا العمى والطراش
قليل البخت يلاقى العضم في الكرشه

قليل البخت عضه الكلب في المولد

جات الحزينة تفرح مالقيلهاش مطرح

ياما جاب الغراب لأمه

تعمل ايه المشطه في الوش العكر

عشمتني بالحلق خرمت أنا ودانى

كل فوله ولها كيال

رحت بيت أبويا استريح مسكونى المفاتيح

أنضف من الصيني بعد غسيله

على قد لحافك مد رجليك

يدى الغطا على قد البرد

جمز بالجميز لما يجيلك التين

سبع صنايع والبخت ضايع

جناين مع المايل خسارة فيه

يا واخد قوتي يا ناوي على موتى

نقبك جه على شونة

الكحكه في ايد اليتيم عجبه

وجع بطني ولا تبويظ حاجتي

أنا واخويا على ابن عمى وأنا وابن عمى ع الغريب

اهلك لتهلك: للتدليل على أهمية الأهل

الأقارب عقارب: تحذير من الأهل

ثلاثة وـمهم في البيت اللي يلمهم

يا عجوزة يا قلع بطلى دلع

العروسة للعريس والجرى للمتاعيس

ياريت أبويا ما كان خدك يامه كان خدك ليلة وبيتك بره

مانعرفش فضل امنا الا لما تيجى مرات ابونا

أبو جاموسه يحسد أبو معزه

أبو ميه يحسد أبو دفيه

ابن أدم في التفكير والرب في التدبير

احيينى النهاردة وموتنى بكرة

ادلعى ياعوجه في السنة السودة

ادينى اليوم صوف وخد بكرة خروف

اعمل المعروف وارمية البحر

إقلب القدر على فمها، تطلع البت لأمها

اقول تور يقول أحلبوه

أهى ارض سودة والطاعم اللة

الأيد اللي ماتضربش تستاهل قطعها

أيد لوحدها ماتشقفش

بارك الله في المرأة الغريبة والزرعة القريبة

البحر ما يتعكرش من ترعة

البركه في اللمة

البركه في كتر الأيدى


البقرة بتولد والطور بيحزق عليه قال أهو تحميل جمايل

البيت بيت أبونا والغرب يطردونا

جحا أولى بلحم طوره

جحا طلع النخلة خد بلغته (حذائه) معاه

قالوا أمتى يا جحا تقوم القيامة قال لما أموت أنا

قالوا بلدك فين يا جحا قالى اللي مراتى فيها

قالوا ياجحا عد الموج قال اللجاييت أكتر من الريحات

الجعان يحلم بسوق العيش

الحاجة اللي ما تهمك وصى عليها جوز أمك

الحب والحبل والركود على الجمل ما يختفى

الحبس ذل ولو في جنينة

حداية من الجبل تطرد اصحاب الوطن

خد الأصيلة ولو كانت على حصيرة

خدوا من فقرهم حطوا على غناهم

داخل بيت عدوك ليه قال حبيبى فيه

الرفيق قبل الطريق

السعد وعد

سلاح الضعيف الشكية

ضمة قبر ولاضمة عدو

العاجز في التدبير يحيل على المقادير

الغربة مره

الغريب أعمى ولو كان بصير

الفرس الهادية يتنتف ديلها

القفة أم ودنين يشلوها اتنين

قليل البخت يلاقى العضم في الكرشة

قيراط حظ ولا فدان شطارة

الكتره تغلب الشجاعة

كله قسمة ونصيب

لقمة هنية تقضى ميه

اللي قيدنى بيفتل لك

اللي ياكل لوحده يزور

اللي يبص لى بعين أبص له باتنين

اللي يربط رقبته بالحبل كل الناس تجره

اللي يرشك بالميه رشه بالدم

اللي يعمل ضهره قنطرة يستحمل الدوس

مراية الحب عاميه

مسير الغريب يروح لبده

من خرج من داره أتقل مقداره

من رادك ريده ومن طلب بعدك من الجفا زيده

وأجرى جرى الوحوش غير رزق ما تحوش

يا بخت من وفق رأسين في الحلال

يا فرعون مين فرعنك قال ما لقيتش حد يردنى

يوم النصر ما فيهش تعب



الموضوع منقول
مع تحيات القائد إسماعيل????:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
البرنس
عضو عسول
عضو عسول


عدد المساهمات : 11
نقاط : 21
تاريخ التسجيل : 24/12/2009

مُساهمةموضوع: رد: أمثال شعبيه   الجمعة يناير 15, 2010 5:09 am

شكرا يا قائد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الجنرال
مشرف عام المنتدى & الجنرال
مشرف عام المنتدى & الجنرال
avatar

عدد المساهمات : 135
نقاط : 388
تاريخ التسجيل : 20/12/2009
العمر : 26
الموقع : مشرف عام
تعاليق : المنتدى إنشاء الله هيبقى من اشهر المنتديات

مُساهمةموضوع: رد   الجمعة يناير 15, 2010 5:10 am

قائد ايه على راى المثل اقف معوج واتكلم عدل ياض

_________________



أين حبنا؟
لعبت بنا الأقدار حتى إقتربنا
و جعلتنا الأيام نحكي كلما ابتعدنا
فوجدنا حبنا بين يدينا
إن الحياة جعلتنا
ننسى كل ما دار بيننا
فوجدنا نهايتنا
بين أحضان عشقنا
و التقت الكلمات ببعضها
فوجدنا ملتقانا
لكن أين حبنا؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أمثال شعبيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أوقف معووج واتكلم عدل :: يا مكحرت يا رايق-
انتقل الى: